ابومريم
11-13-2007, 02:06 AM
(قصيدة التويجري)
قصيدة التويجري في شاعر المليون:
ــــــــــــــــــــــــــــــــــــــــ
ولدت ساطي ومتغطرس وأحب الخصام
و لا أعترف في إدارة طبع ولامدير
أوجدت نفسي من اللاشيء والإنعدام
ونبذت في المجتمع لأني صريح وفقير
ما كان تفكيري إلا كيف أخطف السنام
و الحمد لله خطفت اليوم كل البعير
إلم يكن مركزي في الصف الأول أمام
ماعاد تفرق معي لو كنت قبل الأخير
الله أكبر و لله البقاء و الدوام
وهو الإله الأحد وهو السميع البصير
أخذت من مدرسة أحمد عليه السلام
مالا خذيته من مخاوى وزير وأمير
و أخذت من تجربة عبدالعزيز الإمام
وش يصنع العلم لا خاواه سيف شطير
وأخذت من فلسفة هتلر عدم الإلتزام
و كسبت نفسي وريحت القلق والضمير
و أبشرك حالتي دايم على مايرام
من ركعتين الصباح إلين عقب الأخير
صحيح عندي تحفظ عن بعض الأنام
مثل معمر وأبو مازن وتوني بلير
لكن أنا ما أحب أقلل الأحترام
وأذهب ضحية لطموح الغرب وأنا صغير
قومية المسلمين اللي عليها الكلام
راحت مع خالد وعمر وعلي والزبير
الله ولا الذل والتخوين والإنهزام
يا عابدين العروش الوضع جدا خطير
يابو خلف كيف حالك عل حالك تمام
انسى القصيدة وهات علوم أخوي الكبير
شيخ عرفته وتقريبا لي أربع اعوام
يومني أجيه لا جاير ولا مستجير
يشوقني له نشوق الوسم عقب الحيام
في صفرة جوها ماهو بفية هجير
الشيخ أبو خالد محمد عداه الملام
اللي يصير من الإصرار مالا يصير
حتى الثماله أعزه لا علي الحرام
إني احبه و حب لو درابه يطير
يطير مثل الوحش لاظف ريشه وحام
وحول على الزايره في الجو مثل المغير
إن الملوك إذا اعطوك حب وغرام
خلوك من سائر الخدام يعني خفير
إلا أنت ياراعي التقدير والإهتمام
ياللي رحمت الصغير وشلت هم الكسير
إذا البلاط الأميري والكنب والرخام
له شاعر يدهله في صبح وإلا عصير
فأنا دهلت الثريا والقمر والغمام
و حولت أداهل طرف مشلحك مالي خشير
كفرت بالناقصة والغدر والإنتقام
وآمنت بإنك حزامي بالنهار العسير
من لا يقدر ثباتك مع عجاج الزحام
مهوب والله مقدر وش معاني جرير
ياراس عيطاء يامسك البدع قبل الختام
يالنادر اللي على صيد المكارم شهير
يالمهدي المنتظر في الحاجتين الجسام
المدة المسكته والأخذ بيد الضرير
ياسيدي ودي أفهق لك ضلوع العظام
وأعطيك شي بصدري وإنت رجل خبير
أنا تراني أعاني نوب من انفصام
يؤثر على البرمجة في راسي المستدير
وأصير أحس اني البارود وإلا الحزام
في ساحة الشعر من تبوك لأقصى عسير
مما يسبب لبعض أعدائي الإحتدام
اللي يحسبون قرض الشعر مثل الشعير
والشعر إن كانه المقصود بأول مقام
فالله يرحم أبو الطيب ويرحم زهير
روح التنافس وحب الشيخ والإنضمام
مهيب تعني لدى الكثرة نهاية مصير
والشاعر اللي معه عزوة خوال وعمام
تفداه وايل وترقب مستعدة مطير
والله فلا ينقهر وإلا يضيق و يضام
لاجا اللزز والملاقى و القبس والنذير
وجمع الدراهم ماهيب أكبر طموح الغلام
اللي جمع من قلوب الناس شي كثير
دام من حبني رغم تفويتي له الإنخدام
واللي كرهني فهذا شخص ملعون صير
دام المعارك صغيرة ماعلينا لزام
ينوب عن سيفي البتار أصغر جفير
قرأت فيمن قرأته من بلوغ المرام
اللي ترك شي لله عاضة الله بخير
قصيدة التويجري في شاعر المليون:
ــــــــــــــــــــــــــــــــــــــــ
ولدت ساطي ومتغطرس وأحب الخصام
و لا أعترف في إدارة طبع ولامدير
أوجدت نفسي من اللاشيء والإنعدام
ونبذت في المجتمع لأني صريح وفقير
ما كان تفكيري إلا كيف أخطف السنام
و الحمد لله خطفت اليوم كل البعير
إلم يكن مركزي في الصف الأول أمام
ماعاد تفرق معي لو كنت قبل الأخير
الله أكبر و لله البقاء و الدوام
وهو الإله الأحد وهو السميع البصير
أخذت من مدرسة أحمد عليه السلام
مالا خذيته من مخاوى وزير وأمير
و أخذت من تجربة عبدالعزيز الإمام
وش يصنع العلم لا خاواه سيف شطير
وأخذت من فلسفة هتلر عدم الإلتزام
و كسبت نفسي وريحت القلق والضمير
و أبشرك حالتي دايم على مايرام
من ركعتين الصباح إلين عقب الأخير
صحيح عندي تحفظ عن بعض الأنام
مثل معمر وأبو مازن وتوني بلير
لكن أنا ما أحب أقلل الأحترام
وأذهب ضحية لطموح الغرب وأنا صغير
قومية المسلمين اللي عليها الكلام
راحت مع خالد وعمر وعلي والزبير
الله ولا الذل والتخوين والإنهزام
يا عابدين العروش الوضع جدا خطير
يابو خلف كيف حالك عل حالك تمام
انسى القصيدة وهات علوم أخوي الكبير
شيخ عرفته وتقريبا لي أربع اعوام
يومني أجيه لا جاير ولا مستجير
يشوقني له نشوق الوسم عقب الحيام
في صفرة جوها ماهو بفية هجير
الشيخ أبو خالد محمد عداه الملام
اللي يصير من الإصرار مالا يصير
حتى الثماله أعزه لا علي الحرام
إني احبه و حب لو درابه يطير
يطير مثل الوحش لاظف ريشه وحام
وحول على الزايره في الجو مثل المغير
إن الملوك إذا اعطوك حب وغرام
خلوك من سائر الخدام يعني خفير
إلا أنت ياراعي التقدير والإهتمام
ياللي رحمت الصغير وشلت هم الكسير
إذا البلاط الأميري والكنب والرخام
له شاعر يدهله في صبح وإلا عصير
فأنا دهلت الثريا والقمر والغمام
و حولت أداهل طرف مشلحك مالي خشير
كفرت بالناقصة والغدر والإنتقام
وآمنت بإنك حزامي بالنهار العسير
من لا يقدر ثباتك مع عجاج الزحام
مهوب والله مقدر وش معاني جرير
ياراس عيطاء يامسك البدع قبل الختام
يالنادر اللي على صيد المكارم شهير
يالمهدي المنتظر في الحاجتين الجسام
المدة المسكته والأخذ بيد الضرير
ياسيدي ودي أفهق لك ضلوع العظام
وأعطيك شي بصدري وإنت رجل خبير
أنا تراني أعاني نوب من انفصام
يؤثر على البرمجة في راسي المستدير
وأصير أحس اني البارود وإلا الحزام
في ساحة الشعر من تبوك لأقصى عسير
مما يسبب لبعض أعدائي الإحتدام
اللي يحسبون قرض الشعر مثل الشعير
والشعر إن كانه المقصود بأول مقام
فالله يرحم أبو الطيب ويرحم زهير
روح التنافس وحب الشيخ والإنضمام
مهيب تعني لدى الكثرة نهاية مصير
والشاعر اللي معه عزوة خوال وعمام
تفداه وايل وترقب مستعدة مطير
والله فلا ينقهر وإلا يضيق و يضام
لاجا اللزز والملاقى و القبس والنذير
وجمع الدراهم ماهيب أكبر طموح الغلام
اللي جمع من قلوب الناس شي كثير
دام من حبني رغم تفويتي له الإنخدام
واللي كرهني فهذا شخص ملعون صير
دام المعارك صغيرة ماعلينا لزام
ينوب عن سيفي البتار أصغر جفير
قرأت فيمن قرأته من بلوغ المرام
اللي ترك شي لله عاضة الله بخير