الــــــــــــــــــــــــوداع

[ابو كــا سـر الحارثي]

بسامح واحمل جروحي الجريحه وابتعد وارحل
قـبـل لا يـهـزنـي لـحــن الـــوداع الـــي تغنـيـنـه
بسامـح والفـراق اولـى مـن رجـواك واتـوسـل
بأهـيـنـه قـلــب مـــا مـــره تـجـرأتــي تهيـنـيـنـه
بـعـد مــا صـرتـي لغـيـري تبيـنـي كـيـف اتخـيـل
دموعـي تحتظـن عينـي وعيـنـك تظـحـك لعيـنـه
تنـاسـي علـمّـي قلـبـك امـانـه مـنــي لا يـزعــل
بغمض عيني عن هجرك وبرضى بلي ترضينـه
خـذيـنـي باعـتـبـار انـــي مـتـيـم كــــان يـتـغــزل
ويكـتـب شـعـره لـعـذرى رقيـقـه ناعـمـه زيـنــه
ولكـنـه نـــوى يـبـعـد لأنـــه مـــا قـــدر يـوصــل
لمحبـوبـه لـهـا غـنّــى وكـتــب فـيـهـا دواويـنــه
صحيح ان الجفاء فاشل إذا صار البقـاء افشـل
وجــودي فـاشــلٍ عـاثــر اذا أنـتــي ماتحسـيـنـه
كسرتي - خاطري. وجرحك قدر لأعماقي يتوغل
طعـنـي - آه مــن طعـنـه مــرار الحـقـد سكّـيـنـه
تغيـرتـي وقـــدر قـلـبـك عـلــي مـاجــاه يـتـحّـول
تناسيـتـي الـغـرام الــي حلـفـتـي مـــا تناسـيـنـه
كذبتـي يـوم قلـتـي لــي بغـيـرك مستحـيـل اقـبـل
وراح القـلـب يحـلـم بــك ولا خـفـتـي تصحّـيـنـه
غديت النذل في عينك عقب ماكنت انـا الأفضـل
ضعفـتـي ونــزوة غــرورك تلاعـبـك شياطـيـنـه
أخذعـقـلـك بتعـبـيـره .كـلامــه زيـــن ومـعـسّـل
وصرتـي مـا تشوفـي شـي إلا .. مـن تشوفيـنـه
تـمـردتـي عـلــي لـنــي مـغـفّـل كـنــت ومـغـفّــل
تركـتـك تعلـبـي فـيـنـي تـســوي الـــي تسـويـنـه
غرامـك غـايـة الدنـيـا لقلـبـي وحلـمـي المقـبـل
حسافـه مــات بــك حلـمـي وخانتـنـي موازيـنـه
وصالك كان كل عمري و كنتي الأثمـن الأجمـل
وكنـتـي الــورد فــي عيـنـي تعابـيـره - تلاويـنـه
وكنتي جزء من روحـي وغصنـي لـي بـدا يذبـل
وكنتـي حـلـم فــي ذاتــي وفــي قلـبـي شراييـنـه
كملتـي بعينـي لـو قالـو جمـال الزيـن مـا يكمـل
وقدرك كان مـا يحصى . ولـو حاولتـي تحصينـه
عليكِ مـا بخـل قلـبـي كـريـم الــروح مــا يبـخـل
عطيتـك كـل شـي حـتـى الـفـراق الــي اتمنيـنـه
لأنــي الـصـادق فـحـبـي لصـافـي نيـتـي اعـمــل
ولا ذا المكر مـن طينـي ولا قـد كنـت مـن طينـه
عـذابـي قسمـتـك غـيـري وهــي اقــدار بتحـمـل
لأنـــي كـثــر مـــا حـبــك احـــب الـــي تحـبـيـنـه
ولا يمـكـن ابــد اقـسـى ولا انـسـى زمـــان اول
غرامك في سماء قلبي غناوي العمـر وسنينـه
برغـم الحـزن بأتصبـر ولـو جـور العنـاء طـوّل
يـغـنـي لـلـفـرح قـلـبـك وقـلـبــي ربــــك يـعـيـنـه
فـمـان الله انــا ببـعـد.. بلـبّـي رغبـتـك .. بـرحـل
وآمـانـه لا يــردك شــي عــن قـبـري تزوريـنـه

تحياتي

[الحارثي]

تسلم اخوي على القصيده الرووعه وصح لسان قايلها

[حواس الامارات]

صح لساان من قاالهاااااااا

÷÷÷÷÷÷÷÷÷÷÷÷÷÷÷÷
الله!!!!!الله على الكلماات الحلوووووووه
وفاالك الملياااااااااااااااااار

[الجامـح]

صح لساان من قاالهاااااااا

÷÷÷÷÷÷÷÷÷÷÷÷÷÷÷÷
الله!!!!!الله على الكلماات الحلوووووووه
وفاالك الملياااااااااااااااااار