قصيدة ورد(((((((( حصرين للمنتدى))))))))

[فارس الهيشة]

السلام عليكم ورحمة الله وبركاتة اخواني هذه قصيدة اولا لي كتبتها يوم عيد الاضحى الماضي موجهه الي الشاعر الكبير مساعد عوض دريهم واقول فيها


ويلاه يا طرفي دموعه سكايب *** كنه يتيم الوقت ما اقدر ينسيه
جاه الخبرمن بعد وضع النصايب ***وهو فوق قبر اهله ترابه يسويه
عمره ثمان سنين ماهو بشايب ***طفلن صغيرن ما لقا من يـــــعزيه
جالس جوار القبريشكي المصايب***ماحد وقف جنبه من اهله يواسيه
ودموع عينه مثل مزن السحايب ***تهطل على خده وللقـــــــبر تسقيه
وعود على بيته حزينن وهايب ***ويـــــقول في نفسه عساني الاقيه
جالس يدورهم وكثر نحـــــــايب ***ينادي على اهله مالقا من يحاكيه
عود يطالع في ثيـــاب الحبايب ***ويشــــــــــم غتره قد لبسها مربيه
لا حد سال عنه ولا ليش غايب ***لا عـــــــم يتخبر ولا خــــــال يبغيه
عزم يدور له عسى حد قرايب ***وده على مخــــلوق يسمع شكاويه
كلما لقا حد منهم صار عايب ***ماحد رضــا ياخــــــــــذ يتيمن يربيه
وعود على داره حزينن وخايب***خاب الامل باهــــــله وزادت بلاويه
ياابو حسن والله ماشي عجايب***من ذاق مر البعد والــــــهم كاويه
كمن سنه مرت علي في حنايب***والــــــــهم والفرقاء معانا نعانيه
والعيد في الغربه يمر بصعايب***عزي لمن عــــيد مفارق لراضيه
وياالله انا بدعيك تسمع طلايب***عبدك عجز عنه طـــــبيبه يداويه
عفوك وغفرانك لمن جاك تايب***ترحم بحال العبد والذنب تمــــحيه
و فرج علي همي وفك النشايب***واصلح لنا لحوال والدين تقضيه

وسلامتكم ارجو المعذرة فهذه محاوله شعريه من كثر الطفش
---------------------------------------------------------------------------------------------
جواب بن دريهم


يا مرحبا بالي جروحه عطايب *** من نصنا بلـــــــــــبدع لازم لحييه
مرحب يهز الشامخات الصلايب*** بشاعر بدع له بدع نجهل معانيه
حيا عدد ما حملو في الركايب ***وحيا مــــية مليون في عشر نهديه
يا الهاجس تحضر وهات العذايب***هات البيوت البحر شف جزلها فيه
حاضر وهي لك طوع ولا غصايب**امرك علي واجب ضروري نمشيه
وانا معك موجود مانا بـــــــــغايب ***في صبح ولا لـــــــيل داعيك البيه
يا الي علي تشكي وجبت السبايب ***كم واحد الدنيا تزوره وتكــــــويه
منها بيوت الناس تصبح خرايب ***ومنها لبعض الناس بالمال تغنـــيه
وبعض الغنا بلوى ويخلق نهايب *** وليا طغى لاشك راعيه ينــــــهيه
ذكرت لي قصة ولد راح سايب ***يبكي فراق الي يعزه ويــــــــغليه
ما له دواء والجرح ماهو بطايب***ماله سوا الرحمن ربــــــه يداويه
الي اخرجه من بين صلب وترايب***با يلطف بحاله ويسمع شكاويه
والعيد ما له طعم دون الحبايب ***يمر عيده ما لقا مـــــــــن يهنيه
عايش بغير ارضه بجوفه لهايب ***وده يسافر بس تقــــصر خطاويه
والدين من يدعيه ما هو بخايب ***جزل العــــطايا من ترجاه يعطيه
قادر وله قدره يفك الكرايب ***يفــــرج على المسلم وهمه يجليه
هذا جواب البدع والقول صايب ***وقبل الختام العفو اذا شي نقص فيه

[ابومريم]

صح لسانك انت ودريهم وبيض الله وجهك

ننتظر منك القصايد الجديده (( لا تقول ما ني بشاعر ))


تقبل تحياتي

[جوال هنا وهناك]

اخوي فارس والله قصيدة رووووووووعه ورد اروع وانا شفت لك عدد من المواضيع المميزة مشكور على جهودك ومزيد من التميز والابداع تقبل تحياتي

[فارس الهيشة]

مشكورين على الكلام الحلو وهذا يشجعنا للمضي قدم في مشروع القصيد

[وضاح اليمن]

صح لسان البداع
وصح لسان المجوب

حقيقه كلمات رائعه


قصيده اكثر من رائعه


والاروع فيها هو الحنين الى الوطن الذي يحاول البعض ان يتناساه
ولاكن الوطن في القلب ولن يفدر على نسيانه احد

وهاانت ذا تحن الى ارضك ايها البداع
واتمنى ان اراك في ارضك قريبآ

[وضاح اليمن]

صح لسان البداع
وصح لسان المجوب

حقيقه كلمات رائعه


قصيده اكثر من رائعه


والاروع فيها هو الحنين الى الوطن الذي يحاول البعض ان يتناساه
ولاكن الوطن في القلب ولن يقدر على نسيانه احد

وهاانت ذا تحن الى ارضك ايها البداع
واتمنى ان اراك في ارضك قريبآ

[@(حــور111ن)@]

صح لسان البداع
وصح لسان المجوب

حقيقه كلمات رائعه


قصيده اكثر من رائعه


والاروع فيها هو الحنين الى الوطن الذي يحاول البعض ان يتناساه
ولاكن الوطن في القلب ولن يقدر على نسيانه احد

وهاانت ذا تحن الى ارضك ايها البداع
واتمنى ان اراك في ارضك قريبآ

[فارس الهيشة]

مشكوووووووووووووووووورين على مروركم وتشجيعكم لنا ونوعدكم بكل ما هو جديد

[ابوليالي]

الاخ فارس الهيشة احييك واحيي ابن دريهم
واشكركم على هذه القصايد المعبرة والمؤثرة جدا
وبالنسبة لا اراك شاعر فحسب بل فيلسوف متمكن
ونابغة من نوابغ الشعر الشعبي
ابو ليالي

[فارس الهيشة]

الاخ فارس الهيشة احييك واحيي ابن دريهم
واشكركم على هذه القصايد المعبرة والمؤثرة جدا
وبالنسبة لا اراك شاعر فحسب بل فيلسوف متمكن
ونابغة من نوابغ الشعر الشعبي
ابو ليالي




مشكوووووووووووووووووووووور ابو ليالي على المجاملة اللطيفه

[فتى جنه]

يا خي حراااااااااااااااااااااااااااااام عليك

لو ما الملامه وانت عزيز وغالي غزيت لك في مياين رجال

ما وانت عندك هذا الابداع والتألق والتميز وما شفناه الاذلحين

الله المستعان عليك يافارس

المهم مشكوووووووووور وصح لسانك وصح لسان ابن دريهم على هذه القائد الروووعه والاكثر من روعه

وتقبل مروري مع خالص التحيه

[ابوليالي]

والله ان البدع اثر في بعد قرائتي له

وهذه حقيقة وليست مجاملة والمجاملة

احيانآ محمودة ومطلوبة وظرورية بشرط

ان لا تكون على حساب الغير

[فارس الهيشة]

يا خي حراااااااااااااااااااااااااااااام عليك

لو ما الملامه وانت عزيز وغالي غزيت لك في مياين رجال

ما وانت عندك هذا الابداع والتألق والتميز وما شفناه الاذلحين

الله المستعان عليك يافارس

المهم مشكوووووووووور وصح لسانك وصح لسان ابن دريهم على هذه القائد الروووعه والاكثر من روعه

وتقبل مروري مع خالص التحيه

مشكووووووووووووور يا فتى جنه

اه كم احن على جنه وشوفها والرحلة فيها